Villamartin er án efa einn besti golfvöllur á Costa Blanca. Hann er ekki langur en afar vel lagaður að umhverfinu. Brautirnar eru mismunandi, en vegna þess að völlurinn er á botni dals er hann ekki mjög hæðóttur. Mikið er af Miðjarðarhafsgróðri og þykkum skógi, þó sjaldan reyni á það. Flatirnar eru ekki of litlar og hver hola hefur sín sérkenni. Erfiðleiki brautanna er einkum fólginn í því að forðast þverhnípi og vatnstorfærur sem eru við sumar holurnar.