Að flytja til Spánar og taka börnin burt úr sínu vanalega umhverfi, vinum og skóla, er mjög afdrifarík ákvörðun fyrir foreldra að taka. Þegar útlend börn þurfa halda áfram námi sínu á Spáni getur tungumálakunnátta verið vandamál. Spænskir skólastjórnendur gera sér grein fyrir því að útilokað er að halda áfram námi, án þess að læra tungumálið, og því hafa flestir skólar á Spáni góð tungumálanámskeið sem tryggja að útlend börn læra fljótlega að tala spænsku.
Skólaárið á Spáni er frá september til júní. Á hvaða tíma dags kennsla fer fram getur farið eftir svæðum. Sum svæði gera hlé (siesta) á milli kl. 13-15:30. og þá er mæting aftur í skólann klukkan 17:30.
Á Spáni eru bæði einkaskólar og ríkisskólar. Ríkisskólarnir eru líkir skólum í Bretlandi. Við 16 ára aldur fá nemendur “titulo de graduado escolar” skírteini sem veitir þeim rétt til að ganga í menntaskóla og þaðan í háskóla.
Einkaskólarnir fylgja námskrá ríkisins sem gerð er fyrir úrvalsnemendur. Að loknu námi þar geta þeir farið í háskóla ef einkunnir þeirra leyfa það. Spænskir háskólar taka gild stúdentspróf (“A” levels) frá breskum skólum.